حارث کی شاہین کو ٹی ٹوئنٹی ورلڈکپ کیلئے ٹیم میں ویلکم کی ویڈیو وائرل

قومی ٹیم کے فاسٹ بولر حارث رؤف کی انجری سے صحتیاب ہو کر ٹی ٹوئنٹی ورلڈکپ کے لیے پاکستانی ٹیم کو جوائن کرنے والے شاہین کو ویلکم کی ویڈیو سوشل میڈیا پر وائرل ہو رہی ہے۔

پاکستان کرکٹ بورڈ کی جانب سے سوشل میڈیا پر ایک ویڈیو شیئر کی گئی ہے جس میں شاہین شاہ آفریدی اور فخر زمان کو قومی ٹیم کو جوائن کرتے وقت کے مناظر دکھائے گئے ہیں۔

پی سی بی کی جانب سے شیئر کی گئی ویڈیو میں دیکھا جا سکتا ہے کہ شاہین شاہ آفریدی فرداً فرداً تمام کھلاڑیوں سے مل رہے ہیں اور ایک دوسرے کا حال احوال بھی لے رہے ہیں۔

ٹی ٹوئنٹی ورلڈکپ: شاہین آفریدی اور فخر زمان نے قومی اسکواڈ کو جوائن کرلیا

شاہین آفریدی پاکستان کو دونوں وارم اپ میچز میں بھی سلیکشن کیلئے دستیاب ہوں گے

سوشل میڈیا پر شیئر کی گئی ویڈیو میں حارث رؤف کی جانب سے شاہین شاہ آفریدی کو خاص انداز میں ویلکم کرنے کے مناظر بھی دکھائے گئے ہیں۔

ویڈیو میں دیکھا جا سکتا ہے کہ حارث رؤف شاہین شاہ آفریدی کو ایک بستہ اور گلے میں ڈالنے والا کارڈ دے رہے ہیں اور ساتھ میں کہہ رہے ہیں کہ آپ کو ٹی ٹوئنٹی ورلڈکپ کے لیے ٹیم میں شامل ہونے پر خوش آمدید کہتے ہیں، ایک سینئر بولر ہونے کی حیثیت میں آپ کو ویلکم کرتا ہوں۔