16 اکتوبر ، 2022 
دنیا کی مختصر ترین پرواز کا ناقابل یقین دورانیہ
16 اکتوبر ، 2022
عام طور پر کسی طیارے کا سفر 30 منٹ کا تو ہوتا ہی ہے مگر دنیا کی مختصر ترین پرواز کا دورانیہ دنگ کردینے والا ہے۔
اسکاٹ لینڈ کے 2 جزائر کے درمیان چلنے والی اس پرواز کا دورانیہ اتنا کم ہے کہ ہوسکتا ہے کہ اس سے زیادہ دیر تو آپ کو یہ خبر پڑھنے میں لگ جائے۔
اسکاٹ لینڈ کے جزیرے ویس ٹرے سے پاپا ویس ٹرے کے درمیان چلنے والی پرواز محض 1.7 میل کا فاصلہ طے کرتی ہے۔
اسکاٹ لینڈ کے شمال مشرقی ساحلی علاقے کی اس پرواز کو گنیز بک آف ورلڈ ریکارڈز نے دنیا کی مختصر ترین کمرشل پرواز قرار دیا ہے۔
8 نشستوں والے Britten Norman Islander طیارے کی پرواز کا باضابطہ وقت تو 2 منٹ ہے مگر ہوا کا بہاؤ موزوں ہو تو یہ فاصلہ محض 47 سیکنڈ میں بھی طے ہوجاتا ہے۔
اسکاٹ لینڈ کی فضائی کمپنی لوگن ائیر اس روٹ پر 1967 سے سروس فراہم کررہی ہے اور اب تک لاکھوں افراد اس سے سفر کرچکے ہیں۔
پولیس اہلکار، اسکولوں کے طالبعلم، ڈاکٹر اور دیگر افراد اپنے روزمرہ کے معمولات کے لیے اس پرواز سے سفر کرتے ہیں۔
یہ بنیادی طور پر فضائی کمپنی کے ایک اور روٹ کا حصہ ہے جو Orkney سے شروع ہوتا ہے۔
وہاں سے یہ پرواز ویس ٹرے میں اسٹاپ کرنے کے بعد پاپا ویس ٹرے تک جاتی ہے۔
عام طور پر روازانہ 2 سے 3 پروازیں اس روٹ پر آپریٹ کی جاتی ہیں۔
مزید خبریں :
دنیا کی قدیم ترین حروف تہجی پر مبنی تحریریں دریافت
24 نومبر ، 2024
لندن میں مریخ کا خوبصورت نظارہ، دیکھنے والے حیران رہ گئے
24 نومبر ، 2024
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
