کےپی اور پنجاب اسمبلیاں تحلیل کی جائیں: پی ٹی آئی رہنماؤں کا عمران خان کو مشورہ

سابق وزیراعظم عمران خان کی نااہلی کے بعد لائحہ عمل  کے حوالے سے پاکستان تحریک انصاف کی قیادت تاحال کسی فیصلے پر نہ پہنچ سکی۔

عمران خان کی زیرصدارت پی ٹی آئی رہنماؤں کا اجلاس دوبارہ شروع ہوگیا جس میں آئندہ کی حکمت عملی اور لائحہ عمل پر غور جاری ہے۔

اسی فیصلے کی توقع تھی، الیکشن کمیشن پی ڈی ایم کی بی ٹیم ہے: عمران خان

جیسے ہی فیصلے کی کاپی ملتی ہےتو متعلقہ عدالت سے رجوع کیا جائے: عمران خان کی ہدایت

ذرائع نے بتایا کہ اجلاس میں پنجاب اور پختونخوا اسمبلیوں کو تحلیل کرنے سےمتعلق مشاورت جاری ہے اور اجلاس میں لانگ مارچ کے حوالے سے بھی حتمی فیصلہ کیے جانے کا امکان ہے۔

ذرائع کے مطابق متعدد رہنماؤں نے مشورہ دیا کہ کےپی اور پنجاب اسمبلیاں تحلیل کرکے ملک کو جنرل الیکشن کی طرف لے جائیں جبکہ کچھ رہنما لانگ مارچ کے اعلان کے حق میں ہیں۔

ذرائع بتاتے ہیں کہ پی ٹی آئی قیادت تاحال کسی فیصلے پر نہ پہنچ سکی تاہم مشاورت جاری ہے۔

ذرائع کا کہنا ہے کہ عمران خان اجلاس کے بعد لائحہ عمل کا اعلان کریں گے۔