22 اکتوبر ، 2022 
بارشوں کی وجہ سے پاکستانی ٹیم آج پہلا سیشن انڈور پریکٹس کرے گی
22 اکتوبر ، 2022
میلبرن میں آج صبح سے مطلع آبر آلود ہے، ملبرن میں گزشہ شب وقفہ وقفہ سے بارش ہوتی رہی رات کی بارشوں کی وجہ سے پاکستان ٹیم اج پہلا سیشن انڈور پریکٹس کرے گی
صبح کے سیشن میں ریزرو پلیئرز کے علاوہ فخر اور خوشدل بھی حصہ لیں گے، شام کے سیشن میں مکمل ٹیم فیلڈنگ پریکٹس میں حصہ لے گی۔
بابر اعظم پاکستانی وقت کے مطابق صبح 7 بجکر 15 منٹ پر (مقامی وقت کے مطابق دن 01 بجکر 15 منٹ پریس کانفرنس کریں گے جبکہ بھارتی ٹیم مقامی وقت کے مطابق دوپہر کے سیشن میں پریکٹس کرے گی۔
واضح رہے کہ آئی سی سی ٹی ٹوئنٹی ورلڈ کپ کے سپر 12 مرحلے کا سب سے بڑا مقابلہ پاک بھارت ٹاکرا 23 اکتوبر کو میلبرن کرکٹ گراؤنڈ میں ہوگا لیکن اس مقابلے کے بارش سے متاثر ہونے کے قوی امکانات ہیں۔
آسٹریلوی میڈیا رپورٹ کے مطابق بیورو آف میٹرولوجی نے پیش گوئی کی ہے کہ وکٹوریہ کے دارالحکومت میلبرن میں 80 فیصد بارش کی توقع ہے اور بارش کے امکان شام کو میچ کے اوقات میں زیادہ ہیں۔
