22 اکتوبر ، 2022 
دنیا
103 کنزرویٹیو اراکین پارلیمنٹ نے رشی سونک کا ساتھ دینے کا اعلان کیا ہے/ فائل فوٹو
رشی سونک نے برطانوی وزیراعظم کا امیدوار بننے کیلئے مطلوبہ حمایت حاصل کرلی
22 اکتوبر ، 2022
لندن: برطانیہ کا اگلاوزیراعظم بننےکی دوڑ نتیجہ خیز مرحلے میں داخل ہوگئی۔
رشی سونک نے وزیراعظم کا امیدوار بننے کے لیے مطلوبہ اراکین کی حمایت حاصل کرلی۔
103 کنزرویٹیو اراکین پارلیمنٹ نے رشی سونک کا ساتھ دینے کا اعلان کردیا جب کہ سابق وزیراعظم بورس جانسن اب بھی دوڑ میں شامل رہنے پر بضد ہیں اور وہ بیرون ملک تعطیلات ادھوری چھوڑ کر برطانیہ واپس آگئے ہیں۔
اس کے علاوہ پینی مورڈنٹ کا ستارہ اس بار بھی روشن نہ ہوسکا اور وہ چند اراکین کی حمایت ہی حاصل کر سکیں۔
کنزرویٹیو پارٹی کے نئے لیڈر کے انتخاب کا عمل 28 اکتوبر کو مکمل ہوگا۔
