سابق اہلیہ پر تشدد کی تصاویر وائرل ہونے پر فیروز خان کا ردعمل آگیا

معروف اداکار فیروز خان کی جانب سے سابقہ اہلیہ علیزا سلطان کی جانب سے عدالت میں پیش کیے گئے تشدد کے شواہد پر ردِ عمل کا اظہار کیا  گیا ہے۔

گزشتہ دو دنوں سے علیزا پر تشدد کی کچھ تصاویر انسٹاگرام سمیت سوشل میڈیا کے دیگر پلیٹ فارمز پر وائرل ہیں جس پر پاکستانی شوبز انڈسٹری سے منسلک کئی معروف شخصیات نے بھی فیروز کے خلاف سخت ردعمل دیا۔

تاہم اب اداکار نے خود اس پر خاموشی توڑی ہے اور تمام الزامات کو بے بنیاد قرار دیتے ہوئے تردید کی ہے۔

'حمائما اور دعا کو شرم آنی چاہیے'، سونیا مشعال نے فیروز کی بہنوں کو آڑے ہاتھوں لے لیا

'مجھے یقین نہیں آرہا کہ ایک عورت دوسری کی مدد کے لیے کھڑی نہیں ہوتی: اداکارہ کی تنقید

فیروز خان نے انسٹاگرام پر جاری اسٹوری میں کہا کہ  میں خود پر لگنے والے اور سوشل میڈیا پر زیرِگردش بے بنیاد، جھوٹے، بدنیتی پر مبنی الزامات کی تردید کرتا ہوں، ان الزامات کی حقیقت میں کوئی حیثیت نہیں ہے، میں ان الزامات سے متعلق اپنی قانونی ٹیم کے ساتھ رابطے میں ہوں۔

اداکار نے لکھاکہ میں واضح طور پر یہ کہنا چاہتا ہوں کہ میں نے آج تک کوئی قانون نہیں توڑا اور نہ ہی کسی کے حقوق کی تلفی کی ہے، میں دنیا کے سب ہی انسانوں کے حقوق کا احترام کرتا ہوں۔

خیال رہے کہ فیروز اور علیزا کا بچوں کی حوالگی سے متعلق کیس کراچی کی مقامی عدالت میں زیر سماعت ہے جب کہ علیزا نے فیروز کی جانب سے تشدد کا نشانہ بنائے جانے کا الزام عائد کرتے ہوئے عدالت میں شواہد پیش کیے ہیں۔