26 اکتوبر ، 2022 
کھیل
فوٹو:فائل
زمبابوے کیخلاف پاکستان ٹیم میں چار فاسٹ بولرز شامل کیےجانے کا امکان
26 اکتوبر ، 2022
آئی سی سی مینز ٹی ٹوئنٹی ورلڈکپ میں پاکستان ٹیم کل اپنے دوسرے میچ میں زمبابوے کے خلاف پرتھ کے میدان میں اترے گی۔
ذرائع کا کہنا ہے کہ پاکستان ٹیم میں کل چار فاسٹ بولرز کھلائے جانے کا امکان ہے، محمد وسیم جونیئر کو زمبابوے کے خلاف فائنل الیون میں شامل کیا جاسکتا ہے۔
ذرائع کے مطابق وسیم جونیئر کی جگہ بنانے کیلئے حیدر یا آصف علی میں سے ایک کو ڈراپ کیا جائے گا۔
ذرائع کا کہنا ہے کہ ٹاپ آرڈر بیٹر فخر زمان کی فٹنس میں بھی بتدریج بہتری آئی ہے۔
یاد رہے کہ ٹی ٹوئنٹی ورلڈکپ کے سپر 12 مرحلے کے پہلے میچ میں بھارت نے پاکستان کو سنسنی خیز مقابلے کے بعد 6 وکٹوں سے شکست دی تھی۔
