فیصل واوڈا کی پریس کانفرنس پر پی ٹی آئی رہنماؤں کا مشترکہ رد عمل

پی ٹی آئی رہنماؤں کا کہنا ہے کہ فیصل واوڈا نے وہ کھیل شروع کیا ہے جس سے ملک کو تار تار ہونے کا خدشہ ہے، سازشی پراپیگنڈا شکوک و شبہات پیدا کرنے کیلئے کیا جا رہا ہے۔

پی ٹی آئی رہنماؤں اعجاز چوہدری، عمر سرفراز چیمہ اور مسرت جمشید چیمہ نے ارشد شریف کے قتل کے حوالے سے فیصل واوڈا کے الزامات پرایک مشترکہ پریس کانفرنس کرتے ہوئے کہا ہے کہ فیصل واوڈا نے غیر ذمہ داری اور احسان فراموشی کا مظاہرہ کیا، فیصل واوڈا نے پی ٹی آئی کا پرچم چھوڑ کر بوٹ پالش کرنے شروع کر دیے ہیں۔

پارٹی کی جانب سے شوکاز نوٹس جاری ہونے کے بعد فیصل واوڈا کا ردعمل سامنے آگیا

پریس کانفرنس کے بعد پی ٹی آئی نے فیصل واوڈا کی بنیادی رکنیت معطل کرتے ہوئے شوکاز نوٹس جاری کردیا گیا تھا

انہوں نے کہا کہ انہیں عمران خان کے لانگ مارچ میں خون نظر آ رہا ہے، یہ بدخواہی ہے، جو عناصر اس کے پیچھے ہیں ان کی تاریخ ہے جو ایسے کام کرتے رہے ہیں۔

ان کا کہنا تھا کہ پنجاب حکومت لانگ مارچ کو فول پروف سکیورٹی دے گی، فیصل واوڈا بتائیں ہماری لاشیں کس نے گرانی تھیں، عدلیہ فیصل واڈا کو بلائے اور ان سے پوچھے کہ لانگ مارچ میں کس نے خون خرابہ کروانا ہے۔