31 اکتوبر ، 2022 
ٹوئٹر کے ویری فائیڈ اکاؤنٹ والے صارفین اب فیس ادا کریں گے: رپورٹ
31 اکتوبر ، 2022
ٹوئٹر کے ویری فائیڈ یعنی بلیو ٹک رکھنے والے صارفین کو اب اس مد میں فیس ادا کرنا ہوگی۔
ایلون مسک نے ٹوئٹر کا کنٹرول سنبھالنے کے بعد اہم تبدیلیاں شروع کردی ہیں جس میں انہوں نے صارفین کے ویری فکیشن کے طریقہ کار کو مکمل طور پر جانچنے کا فیصلہ کیا ہے۔
اس حوالے سے ایلون مسک نے اپنی ٹوئٹ میں کہا کہ ٹوئٹر صارفین کے ویری فکیشن کے طریقہ کار پر دوبارہ غور کرے گا، ویری فکیشن کے پورے عمل میں فوری طور پر تبدیلیاں کی جارہی ہیں۔
ایلون مسک نے اس حوالے سے اپنی ٹوئٹ میں مزید تفصیلات نہیں بتائیں تاہم کچھ میڈیا رپورٹس میں بتایا گیا ہےکہ ٹوئٹر پر بلیو ٹک رکھنے والے صارفین سے اس مد میں فیس وصول کی جائے گی۔
رپورٹ میں کہا گیا ہےکہ صارفین کو ٹوئٹر بلیو کو سبسکرائب کرنا ہوگا جس کے لیے 20 ڈالر ماہانہ ادا کرنا ہوں گے۔
رپورٹس کے مطابق ایلون مسک نے اس حوالے سے ابھی حتمی فیصلہ نہیں کیا تاہم بلیو ٹک رکھنے والے اکاؤنٹس کی ویری فکیشن اب ٹوئٹر کا حصہ ہوگی۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
