02 نومبر ، 2022 
بارشیں نہ ہونے سے ہمیں مکمل میچز کھیلنے کے مواقع ملیں گے: آئرش آل راؤنڈر
02 نومبر ، 2022
آئر لینڈ ویمن کرکٹ ٹیم کی آل راؤنڈر ایمئیر رچرڈسن نے پاکستان کے موسم کی تعریف کرتے ہوئے کہا کہ پاکستان کا موسم آئر لینڈ کے موسم سے مختلف ہے، یہاں بارشیں نہیں ہوتی اور ہمارا فوکس لمبی پارٹنر شپ پر ہے۔
ایمئیر رچرڈسن نے جیو نیوز سے گفتگو کرتے ہوئے کہا کہ اچھی بات یہ ہے کہ لاہور میں بارش نہیں ہوئی ہے اور ہمیں مکمل میچ کھیلنے کا موقع ملے گا، پاکستان کا موسم آئرلینڈ سے مختلف ہے، امید ہے کہ ہم یہاں کی کنڈیشنز کے مطابق جلد عادی ہو جائیں گے جب کہ ہمارے لیے اچھا موقع ہے کہ ہم گراؤنڈ میں زیادہ وقت گزاریں اور دھوپ سے لطف اندوز ہوں۔
آئرش آل راؤنڈر نے کہا کہ پاکستان کی کنڈیشنز کے مطابق ہمارا فوکس لمبی پارٹنر شپ پر ہے، بولنگ اور بیٹنگ کے شعبے میں ہم پارٹنر شپ پر توجہ دے رہی ہیں ، ہم جانتے ہیں کہ ان پچز پر لمبی بیٹنگ کرنے کی کیا اہمیت ہے۔
ایمئیر رچرڈسن نے پاکستان ویمن کرکٹر ٹیم کی کارکردگی کو تسلیم کرتے ہوئے مزید کہا کہ پاکستان کا رسٹ اسپنر اٹیک بہت اچھا ہے اور اسپنرز کے پاس ورائٹی ہے، ہمارے لیے کھیلنا چیلنج ہوگا لیکن ہم اس چیلنج کو قبول کرنے کے لیے بہت پرجوش ہیں۔
واضح رہے آئر لینڈ ویمن کرکٹ ٹیم ان دنوں پاکستان کے دورے پر ہے جہاں ٹیم 3 ون ڈے اور 3 ٹی ٹوئنٹی میچز پر مشتمل سیریز قذافی اسٹیڈیم لاہور میں کھیل رہی ہیں۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
