03 نومبر ، 2022 
آئرلینڈ کیخلاف سیریز میں زیادہ سے زیادہ شائقین اسٹیڈیم کا رخ کریں: کائنات امتیاز
03 نومبر ، 2022
قومی ویمن کرکٹ ٹیم کی فاسٹ بولر کائنات امتیاز نے درخواست کی ہےکہ آئر لینڈ کے خلاف سیریز میں زیادہ سے زیادہ شائقین قذافی اسٹیڈیم کا رخ کریں۔
کائنات امتیاز نے جیو نیوز سے خصوصی گفتگو کرتے ہوئے کہا کہ ہوم سیریز ہونا ایک بہت بڑی بات ہے، مجھے امید ہے کہ شائقین ویمن کرکٹ دیکھنے آئیں گے، شائقین کے ہجوم سے مہمان ٹیم کو بھی اچھا تاثر جائے گا اور ہمیں بھی سپورٹ ملے گی، یہ اعزاز کی بات ہے کہ آئر لینڈ کی ٹیم پاکستان کے دورے پر آئی ہے۔
انہوں نے کہا مجھے لگتا ہے کہ سیریز میں مقابلے کی کرکٹ ہوگی، ہم نے بھی تیاری اچھی کی ہے، میچز بھی اچھے ہوں گے، ہوم گراؤنڈ کا ہمیں فائدہ ہو سکتا ہےلیکن ہم آئرلینڈ کو آسان حریف نہیں سمجھ رہے۔
واضح رہے پاکستان ویمن کرکٹ ٹیم ان دنوں آئر لینڈ کے خلاف ون ڈے اور ٹی ٹوئنٹی سیریز کی تیاریوں میں مصروف ہے دونوں ٹیموں کے درمیان پہلا ون ڈے میچ کل قذافی اسٹیڈیم لاہور میں کھیلا جائے گا۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
