04 نومبر ، 2022 
ملازمین کو نکالنے پر ٹوئٹر کے خلاف مقدمہ دائر
04 نومبر ، 2022
ملازمین کو بڑے پیمانے پر نکالنے پر ٹوئٹر کے خلاف مقدمہ دائر کردیا گیا ہے۔
خیال رہے کہ ایلون مسک کی جانب سے ٹوئٹر کا کنٹرول سنبھالے جانے کے بعد ملازمین کو نکالے جانے کی رپورٹس سامنے آرہی تھیں اور یہ عمل 4 نومبر سے شروع ہوگیا۔
بلومبرگ کی رپورٹ کے مطابق ٹوئٹر کے ملازمین کی جانب سے سان فرانسسکو کی فیڈرل کورٹ میں کمپنی کے خلاف مقدمہ دائر کیا گیا ہے۔
اس مقدمے میں کہا گیا ہے کہ امریکی قوانین کے تحت 100 یا اس سے زائد ملازمین والی کمپنیوں کے لیے بڑے پیمانے پر لوگوں کو نکالنے سے قبل 60 دن کا نوٹس دینا ضروری ہے۔
خیال کیا جارہا ہے کہ چھانٹی کے اس عمل کے دوران کمپنی کے 50 فیصد ملازمین کو نکالا جاسکتا ہے۔
کمپنی کی جانب سے یہ بھی بتایا گیا ہے کہ اسی سلسلے میں دفاتر عارضی طور پر بند کردیے جائیں گے۔
مگر اس مقدمے میں عدالت سے درخواست کی گئی ہے کہ ٹوئٹر کو قوانین پر عملدرآمد کی ہدایت کی جائے اور ملازمین کو ان کے حق سے محروم نہ کیا جائے۔
ملازمین کی جانب سے ایک وکیل Shannon Liss-Riordan خدمات حاصل کی گئی ہیں جو اس سے قبل ٹیسلا سے ملازمین کی برطرفی کا مقدمہ بھی لڑ چکی ہیں۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
