07 نومبر ، 2022 
'اچانک ورلڈکپ میں لذت واپس آگئی'، پاکستان کی جیت پر ہربھجن کی ٹوئٹ
07 نومبر ، 2022
بھارت کے سابق کرکٹر ہربھجن سنگھ نے پاکستان کے سیمی فائنل میں کوالیفائی کرنے پر دلچسپ تبصرہ کیا ہے۔
6 نومبر اتوار کا دن پاکستانی مداحوں کے لیے خاص رہا کیونکہ دن کے آغاز پر نیدرلینڈز نے جنوبی افریقا کو 13 رنز سے شکست دے کر اپ سیٹ کیا اور ساتھ ہی پاکستان کے سیمی فائنل میں پہنچنے کی راہ ہموار کی۔
اس کے بعد پاکستان نے بنگلادیش کو ہرایا اور ٹی ٹوئنٹی ورلڈکپ کے لیے کوالیفائی کرلیا۔
پاکستان کے سیمی فائنل میں پہنچنے پر سابق بھارتی کرکٹر نے ٹوئٹ کی، انہوں نے کہا 'پاکستان کے سیمی فائنل میں کوالیفائی کرنے کے ساتھ ہی اچانک ورلڈکپ میں لذت واپس آگئی ہے'۔
ہربھجن سنگھ نے اپنی ٹوئٹ میں سوال کیا 'اگر پاکستان اور بھارت کا فائنل ہو تو کیسا رہے گا؟'
سابق بھارتی کرکٹر کی ٹوئٹ سوشل میڈیا پر خاصی وائرل ہے جس پر پاکستانی مداحوں سمیت بھارت کے مداح بھی تبصرے کررہے ہیں۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
