07 نومبر ، 2022
آئی سی سی ٹی ٹوئنٹی ورلڈکپ میں زمبابوے اور بھارت کے خلاف میچ کے دوران میلبرن کرکٹ گراؤنڈ میں آنے پر بھارتی کپتان کے مداح پر بھاری جرمانہ عائد کردیا گیا۔
غیر ملکی خبر رساں ایجنسی کے مطابق زمبابوے اور بھارت کا میچ جاری تھا جب ایک مداح تماشائیوں میں سے اٹھ کر بھاگتا ہوا بھارتی کپتان روہت شرما کے قریب آگیا۔
روہت شرما سے ملاقات کے وقت نوجوان کے آنکھوں میں آنسو تھے تاہم میلبرن کرکٹ گراؤنڈ کے سکیورٹی اہلکاروں نے فوری طور پر لڑکے کو وہاں سے ہٹایا اور گراؤنڈ سے باہر لے گئے۔
میچ کے دوران گراؤنڈ پر دھاوا بولنے اور نظم و ضبط کی خلاف ورزی کرنے پر روہت کے مداح پر 6.5 لاکھ بھارتی روپے کا جرمانہ عائد کیا گیا۔
واضح رہے کہ ٹی ٹوئنٹی ورلڈ کپ میں بھارت نے زمبابوے کو 71 رنز کے بڑے مارجن سے شکست دے کر گروپ 2 میں8 پوائنٹس کے ساتھ پہلی پوزیشن حاصل کرلی۔
گروپ 2 سے پاکستان اور بھارت نے سیمی فائنل کے لیے کوالیفائی کیا ہے، پاکستان اور نیوزی لینڈ کے درمیان پہلا سیمی فائنل بدھ کو جب کہ انگلینڈ اور بھارت کے درمیان سیمی فائنل کا دوسرا بڑا مقابلہ جمعرات کو ہوگا۔
