07 نومبر ، 2022 
سری لنکن بورڈ نے زیادتی کے الزام میں گرفتار کرکٹر کو معطل کردیا
07 نومبر ، 2022
سری لنکن کرکٹ بورڈ نے زیادتی کے الزام کے بعد دنوشکا گونا تھیلاکا کو ہر طرز کی کرکٹ سے معطل کر دیا۔
سری لنکا کرکٹ کی ایگزیکٹو کمیٹی نے دنوشکا کو معطل کرنے کا فیصلہ کیا۔
سری لنکا کرکٹ کا کہنا ہے کہ زیادتی کے الزام میں سڈنی میں گرفتار کیے گئے دنوشکا گونا تھیلاکا کو ہر طرز کی کرکٹ سے فوری پر معطل کر دیا گیا ہے، کسی بھی سلیکشن کے لیے انہیں زیر غور نہیں لایا جائے گا ۔
سری لنکن کرکٹ بورڈ نے کہا کہ کرکٹ سری لنکا تمام معاملے کی انکوائری کرے گا، انکوائری کورٹس کیس کے اختتام پر ہوگی، قصور وار قرار پانے پر کرکٹر کو سزا سنائی جائے گی۔
سری لنکا کرکٹ نے یہ بھی کہا کہ ایسے رویے کے لیے زیرو ٹالرینس پالیسی ہے، واقعے کی تحقیقات کے لیے آسٹریلوی حکام سے تعاون کیا جائے گا۔
واضح رہے کہ سری لنکن کرکٹر کو زیادتی کے الزام میں 2 روز پہلے سڈنی میں گرفتار کیا گیا تھا۔
غیرملکی میڈیا کے مطابق آسٹریلیا کی ایک 29 سالہ خاتون نے سری لنکن بیٹر پر زیادتی کا الزام عائد کیا تھا جس کی پولیس تفتیش کر رہی تھی۔
آسٹریلوی میڈیا کے مطابق خاتون کا کچھ دن قبل ڈیٹنگ ایپ کے ذریعے کرکٹر سے رابطہ ہوا تھا، خاتون نے الزام لگایا کہ 2 نومبر کو دنوشکا گوناتھیلاکا نے انہیں جنسی زیادتی کا نشانہ بنایا۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
