07 نومبر ، 2022 
'غلطی' سے برطرف کیے جانے والے کچھ ٹوئٹر ملازمین کو واپس آنے کی ہدایت
07 نومبر ، 2022
ایلون مسک کی ہدایت پر 4 نومبر کو ٹوئٹر کے 50 فیصد ملازمین کو کمپنی سے نکال دیا گیا تھا جن میں سے کچھ کو ایک بار پھر واپس طلب کیا گیا ہے۔
یہ تو پہلے سے ہی کہا جارہا تھا کہ ایلون مسک ٹوئٹر کو خریدنے کے بعد ملازمین کی تعداد میں کمی کریں گے۔
مگر اب بلومبرگ کی ایک رپورٹ میں بتایا گیا کہ کمپنی نے فارغ کیے گئے کچھ ملازمین کو واپس آنے کی ہدایت کی ہے۔
رپورٹ میں دعویٰ کیا گیا کہ کچھ ملازمین کو 'غلطی' سے نکال دیا گیا تھا اور اب انہیں دوبارہ دفتر آنے کی ہدایت کی گئی ہے۔
رپورٹ میں ذرائع کے حوالے سے بتایا گیا کہ طلب کیے گئے ملازمین کو ان کے کام اور تجربے کے باعث واپس رپورٹ کرنے کی ہدایت کی گئی ہے۔
خیال رہے کہ ٹوئٹر کے 3700 ملازمین کو ای میل کے ذریعے ملازمت سے برطرف ہونے کی اطلاع ملی تھی۔
مگر اب کچھ ملازمین سے واپسی کی درخواست سے عندیہ ملتا ہے کہ برطرفی کا یہ عمل جلدبازی میں ہوا۔
ایلون مسک نے 4 نومبر کو ایک ٹوئٹ میں کہا تھا کہ بدقسمتی سے عملے میں کمی کے علاوہ کوئی آپشن نہیں کیونکہ کمپنی کو روزانہ 40 لاکھ ڈالرز کا نقصان ہورہا ہے۔
ایلون مسک کی جانب سے ٹوئٹر کے نئے بلیو سبسکرپشن پلان پر بھی تیزی سے کام ہورہا ہے جو اب امریکا کے وسط مدتی انتخابات کے بعد باضابطہ طور پر متعارف کرایا جائے گا۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
