11 نومبر ، 2022 
ٹی ٹوئنٹی ورلڈ کپ فائنل سے پہلے ہی میلبرن میں بارش شروع ہو گئی
11 نومبر ، 2022
ٹی ٹوئنٹی ورلڈ کپ فائنل سے پہلے ہی میلبرن میں بارش شروع ہو گئی، پاکستان ٹیم آج کا ٹریننگ سیشن انڈور میں کرے گی۔
اس سے قبل ہی آسٹریلیا کے محکمہ موسمیات کی جانب سے ٹی ٹوئنٹی ورلڈ کپ کا فائنل بارش سے متاثر ہونے کا خدشہ ظاہر کر دیا گیا تھا۔
آسٹریلوی محکمہ موسمیات کے مطابق اتوار کو فائنل کے موقع پر بارش کا 95 فیصد امکان ہے جبکہ پیر کو بھی بارش کے 95 فیصد امکانات کی پیش گوئی کی گئی ہے۔
ورلڈ کپ کے ٹورنامنٹ قوانین کے مطابق اگر فائنل یا سیمی فائنل بارش سے متاثر ہوئے تو مقابلہ ریزرو ڈے پر جاری رہے گا۔
ٹورنامنٹ قوانین کے مطابق میچ مکمل تصور کرنے کیلئے اننگز میں کم از کم دس، دس اوورز کا کھیل لازمی ہے، بارش کی صورت میں میچ ریزرو ڈے پر وہیں سے شروع ہوگا جہاں سے وہ رکا تھا۔
اگر بارش کی وجہ سے بالکل بھی کھیل ممکن نہ ہوا تو پھر دونوں فائنلسٹ ٹیموں کو مشترکہ فاتح قرار دے دیا جائے گا۔
مزید خبریں :
بابر اعظم نے ایک اور اعزاز اپنے نام کرلیا
9 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
