12 نومبر ، 2022 
پی ایس ایل 8:کھلاڑیوں کی ٹریڈ اور ری ٹینشنز مکمل، کس ٹیم نے کونسا کھلاڑی برقرار رکھا؟
12 نومبر ، 2022
پاکستان سپر لیگ ( پی ایس ایل) کے آٹھویں ایڈیشن کیلئے کھلاڑیوں کی ٹریڈ اور ری ٹینشنز کا مرحلہ مکمل ہوگیا۔
پی ایس ایل 8 کیلئے گزشتہ روز کھلاڑیوں کی ٹریڈ اور ری ٹینشنز مکمل ہوئیں جس کے بعد بابر اعظم کراچی کنگز سے پشاور زلمی میں چلے گئے جبکہ شعیب ملک اور حید ر علی پشاور زلمی سے کراچی کنگز میں آگئے۔
لاہور قلندرز نے شاہین آفریدی اور راشد خان اور ملتان سلطانز نے محمد رضوان کو اسکواڈ میں برقرار رکھا ہے۔اس کےعلاوہ شاداب خان اسلا م آباد یونائیٹڈ کا ہی حصہ رہیں گے جبکہ محمد نواز کوئٹہ گلیڈی ایٹرز سے ہی کھیلیں گے۔
پاکستان کرکٹ بورڈ کے مطابق پی ایس ایل کے آٹھویں سیزن کے ڈرافٹ کیلئے 493 غیر ملکی کھلاڑیوں نے رجسٹریشن کرائی ہے۔
پاکستان سپر لیگ کے آٹھویں ایڈیشن کیلئے پلیئرز ڈرافٹ کے پِک آرڈر کو پہلے ہی حتمی شکل دے دی گئی تھی، پہلی پک دفاعی چیمپئن لاہور قلندرز کی ہو گی۔
کوئٹہ گلیڈی ایٹرز کی دوسری اور ملتان سلطانز کی تیسری پک ہو گی۔ پھر کراچی کنگز ، اسلام آباد یونائیٹڈ اور آخری پِک پشاور زلمی کی ہو گی۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
1 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
3 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
