'شیر آیا شیر' وطن واپسی پر نسیم شاہ کو ائیرپورٹ پر دیکھ کر شائقین کے نعرے

آئی سی سی ٹی ٹوئنٹی ورلڈکپ میں شرکت کے بعد قومی کرکٹ ٹیم کے کپتان بابر اعظم اور دیگر کھلاڑی  رات گئے لاہور ائیرپورٹ پہنچے۔

بابر اعظم کے ہمراہ فاسٹ بولر نسیم شاہ، پی سی بی چیئرمین رمیز راجہ سمیت ٹیم آفیشلز غیر ملکی پرواز کے ذریعے لاہور کے علامہ اقبال انٹرنیشنل ائیرپورٹ پہنچے تھے۔

سوشل میڈیا پر وائرل ہونے والی ویڈیو میں دیکھا گیا کہ جیسے ہی نسیم شاہ ائیرپورٹ سے باہر نکلے تو وہاں موجود شائقین نے انہیں دیکھ کر ' شیر آیا شیر'کے نعرے لگانا شروع کردیے۔مداحوں نے نسیم شاہ کے ساتھ سیلفیاں بھی بنوائیں۔

اس کے علاوہ آصف علی، عثمان قادر لاہور جبکہ حارث رؤف اسلام آباد پہنچے تھے۔

واضح رہے کہ ٹی ٹوئنٹی ورلڈ کپ کے فائنل میں پاکستان ٹیم کو انگلینڈ سے شکست ہوئی تھی۔

ویڈیو: 'ہم سے پورا پاکستان خوش ہے'، حارث رؤف کا گھر پہنچنے پر شاندار استقبال

الحمد اللہ جیسا ہمارا ورلڈکپ رہا ہم سب خوش ہیں، میرا خیال ہے کہ ہماری پرفارمنس سے پورا پاکستان خوش ہے: حارث رؤف

ٹی ٹوئنٹی ورلڈکپ میں شرکت کے بعد کپتان بابر اعظم لاہور پہنچ گئے

بابر اعظم کے ہمراہ فاسٹ بولر نسیم شاہ اور پی سی بی چیئرمین رمیز راجہ سمیت ٹیم آفیشلز غیر ملکی پرواز کے ذریعے لاہور پہنچے۔