14 روز بعد عمران خان پر حملےکے ملزم کو عدالت میں پیش کردیا گیا

لاہور: وزیرآباد میں لانگ مارچ کے دوران چیئرمین پاکستان تحریک انصاف (پی ٹی آئی) عمران خان پر حملہ کیس کے ملزم نوید کا 12 روزہ جسمانی ریمانڈ منظور کرلیا گیا۔

پولیس کے مطابق ملزم کو گوجرانوالا کی انسداد دہشت گردی کی عدالت میں پیش کیا گیا تھا۔

قاتلانہ حملے میں عمران خان سمیت 13 افراد زخمی، ایک شخص جاں بحق

عمران خان کی ٹانگ میں گولی لگی، فیصل جاوید اور احمد چٹھہ زخمی ہیں: اسد عمر ، حملہ آور نے پنجاب پولیس کی تحویل میں اعتراف جرم کرلیا

واقعےکی تفتیش کے لیے قائم  جے آئی ٹی نے ملزم کو عدالت میں پیش کیا، ملزم کو واقعے کے14 روز بعد عدالت میں پیش کیا گیا۔

پولیس کا کہنا تھا کہ ملزم نویدکو 3 نومبرکو جائے وقوعہ سےگرفتار کیا گیا تھا، واقعےکی ایف آئی آر 7 نومبر کو درج کی گئی تھی۔

جج نے زیرحراست ملزم کو کئی روز تاخیر سے پیش کرنے پربرہمی کا اظہار کیا اور حکم دیا کہ ملزم کو تاخیر سے عدالت میں پیش کرنےکی تحقیقات کی جائیں، جےآئی ٹی سربراہ ملزم کی عدالت میں پیشی میں تاخیرکا تعین کریں۔

عدالت نے ملزم کو 29 نومبر کو پیش کرنے کا حکم دیتے ہوئے جے آئی ٹی کے سربراہ سے جواب طلب کرلیا۔

پولیس ذرائع کے مطابق جسمانی ریمانڈ کے دوران ملزم سے عمران خان پر حملےکے معاملے پر مزید تفتیش کی جائےگی۔

یاد رہےکہ چیئرمین تحریک انصاف عمران خان لانگ مارچ کے دوران 3 نومبر کو وزیر آباد میں ہونے والے قاتلانہ حملے میں زخمی ہو گئے تھے۔

عمران خان نے اپنے اوپر مزید قاتلانہ حملوں کا خدشہ ظاہر کردیا

وہ لوگ دوبارہ مجھے ختم کرنے کی کوشش کر سکتے ہیں اور بدقسمتی سے مجھے لگتا ہے کہ وہ دوبارہ کوشش کر سکتے ہیں، وہ مجھے ختم کرنا چاہتے تھے: چیئرمین پی ٹی آئی کا فرانسیسی نیوز چینل کو انٹرویو

عمران خان پر حملہ: ملزم کی گرفتاری نہ ڈالنے اور تفتیش نہ ہونے سے مقدمہ کمزور

جےآئی ٹی ارکان کو تاحال باضابطہ طور پر آگاہ ہی نہیں کیاگیا، محکمہ داخلہ پنجاب واقعہ کی تفتیش کے لیے صرف لیٹر ہی جاری کرسکا ہے: ذرائع