کھیل
23 نومبر ، 2022

شاداب کی شادی سے متعلق بابر نے کیا کہا؟ حسن علی نے بتادیا

تصویر ڈومیسٹک کرکٹ میچ کے دوران گراؤنڈ میں لی گئی جہاں بابر اعظم اور حسن علی کی ملاقات ہوئی اور دونوں ہی گہری گفتگو کرتے نظر آئے—فوٹو: سوشل میڈیا
تصویر ڈومیسٹک کرکٹ میچ کے دوران گراؤنڈ میں لی گئی جہاں بابر اعظم اور حسن علی کی ملاقات ہوئی اور دونوں ہی گہری گفتگو کرتے نظر آئے—فوٹو: سوشل میڈیا

قومی ٹیم کے کپتان بابر اعظم اور فاسٹ بولر حسن علی کی گفتگو میں محو ایک تصویر سوشل میڈیا پر زیر گردش ہے جس پر حسن علی نے وضاحت پیش کی ہے۔

یہ تصویر ڈومیسٹک کرکٹ میچ کے دوران گراؤنڈ میں لی گئی جہاں بابر اعظم اور حسن علی کی ملاقات ہوئی اور دونوں ہی گہری گفتگو کرتے نظر آئے۔

 ایک مداح نے یہ تصویر شیئر کی اور سوال کیا کہ 'برائے مہربانی مجھے بھی بتائیں آپ دونوں ایسی کیا باتیں کررہے ہیں جو بابر کے چہرے کے تاثرات ہی بدل گئے؟'

حسن نے ٹوئٹ پر جواب دیا اور لکھا ' دراصل ہم دونوں شاداب کی شادی کے بارے میں بات کر رہے تھے اور بابر نے شاداب کی شادی کے بارے میں کہا کہ وہ تو نہیں ہونی'۔

ساتھ ہی فاسٹ بولر نے ہنسنے والا ایموجی بھی استعمال کیا جب کہ حسن نے اپنی ٹوئٹ میں آل راؤنڈر  شاداب خان کو بھی ٹیگ کیا۔

واضح رہے کہ گزشتہ کچھ عرصے میں شاداب کی شادی سے متعلق سوشل میڈیا پر کافی چرچے رہے ہیں، مداحوں کو انتظار ہے کہ کب ان کے پسندیدہ کرکٹر رشتہ ازدواج میں منسلک ہوتے ہیں۔

علاوہ ازیں ان دنوں حسن علی قائداعظم ٹرافی میں سدرن پنجاب کی قیادت کر رہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM