05 دسمبر ، 2012 
روپے کی قد ر میں کمی سے آئی ایم ایف کا قرضہ20فیصد بڑھ گیا
05 دسمبر ، 2012
کراچی…روپے کی گرتی ہوئی قدر کے باعث آئی ایم ایف کا قرضہ گزشتہ چار سال میں 20 فی صد مہنگا ہوا۔ پاکستان،عالمی مالیاتی فنڈ کو دو ارب 28 کروڑ ڈالرواپس کرچکا ہے جبکہ چھ ارب ڈالر اب بھی واجب الادا ہیں۔وزارت خزانہ کے ذرائع کے مطابق گزشتہ چار سال میں روپے کی قدر میں کمی کی وجہ سے آئی ایم ایف سے جو قرض لیا گیا اس کی مالیت میں 20 فی صد اضافہ ہوا۔ جس وقت یہ قرض لیا گیا روپے کے مقابلے میں ڈالر 79 روپے کے لگ بھگ تھا تاہم اب یہ 96 روپے ہے۔ پاکستان آئی ایم ایف کو سالانہ ایک سے ڈھائی فی صد تک سود ادا کر رہا ہے۔ اب تک آئی ایم ایف کو 2 ارب 28 کروڑ ڈالر واپس کیے جاچکے ہیں جس میں سود بھی شامل ہے۔پاکستان نے سال 2008 میں غیر ملکی ادائیگیوں کی صورتحال بگڑنے کے بعد آئی ایم ایف سے 7.5 ارب ڈالر سے زائد کا قرضہ لیا تھا۔
مزید خبریں :
سونے کی ایک بار پھر بڑی چھلانگ، فی تولہ 10 ہزار 700 روپے مہنگا
12 دسمبر ، 2025
پاکستان کو آئی ایم ایف سے ایک ارب 20 کروڑ ڈالر موصول ہوگئے
11 دسمبر ، 2025
گردشی قرضہ ایک بارپھر بے قابو، رواں برس 734 ارب اضافے کا خطرہ
11 دسمبر ، 2025
ملک میں فی تولہ سونا 1200 روپے مہنگا ہوگیا
10 دسمبر ، 2025
