پاکستان
24 نومبر ، 2022

عمران خان پر حملے کی تحقیقات کرنیوالا تفتیشی افسر تبدیل

سی سی پی او لاہور کی سفارش پر حملے کی تحقیقات کے لیے نیا افسر تعینات کر دیا گیا: ذرائع جے آئی ٹی. فوٹو فائل
سی سی پی او لاہور کی سفارش پر حملے کی تحقیقات کے لیے نیا افسر تعینات کر دیا گیا: ذرائع جے آئی ٹی. فوٹو فائل

وزیر آباد میں عمران خان پر حملے کی تحقیقات کرنے والے تفتیشی آفیسر انسپکٹر رانا امتیاز کو تبدیل کر دیا گیا۔

ذرائع جے آئی ٹی کا بتانا ہے کہ گریڈ 18کے افسر انور شاہ کو نیا تفتیشی آفیسر مقرر کیا گیا ہے۔

ذرائع کے مطابق انور شاہ اینٹی کرپشن لاہور میں ڈائریکٹر ویجیلینس کے عہدے پرتعینات ہیں، تفتیش سے متعلق تمام دستاویزات بھی نئے تفتیشی آفیسر کو منتقل کر دی گئی ہیں۔

ذرائع کا بتانا ہے کہ انور شاہ کو جے آئی ٹی کے کنوینر سی سی پی او لاہور کی سفارش پر تفتیشی آفیسر مقرر کیا گیا ہے۔

ذرائع کا کہنا ہے دوران تحقیقات اب تک جائے وقوعہ سے 36 فارنزک شہادتیں جمع کی گئی ہیں، شہادتوں کے ٹیسٹ کے لیے مختلف اشیاء کے 31 پارسل فارنزک لیب بھجوائے گئے۔

ذرائع کا یہ بھی بتانا ہے کہ ملزم کے جوتے اور جائے وقوعہ سے ملنے والے خون کے مختلف سیمپلز بھی فارنزک لیب بھجوائے گئے ہیں۔ اس کے علاوہ خون آلود کپڑے، گولیوں کے خول بھی فرانزک لیب بھجوائے گئے۔

ذرائع کے مطابق فارنزک لیب کی رپورٹ کے بعد ہی مقدمے کی تفتیش میں حتمی سمت کا تعین کیا جائے گا۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM