28 نومبر ، 2022 
ویڈیو: مداحوں کی قومی کرکٹرز کے ساتھ سیلفیاں، آٹوگرافس اور گپ شپ
28 نومبر ، 2022
پاکستان اور انگلینڈ کے پہلے ٹیسٹ سے قبل اسلام آباد میں پاکستانی کرکٹ ٹیم کے کھلاڑیوں کے ساتھ مداحوں نے سیلفیاں اور آٹوگرافس لیے۔
پاکستان کرکٹ بورڈ (پی سی بی) نے اپنے آفیشل ٹوئٹر اکاؤنٹ پر مداحوں کی ٹیم کے کھلاڑیوں کے ساتھ سیلفیاں لینے کی ویڈیو شیئر کی جسے صارفین کی جانب سے کافی پسند کیا جارہا ہے۔
ویڈیو میں دیکھا جاسکتا ہے کہ کس طرح مداحوں کے ہمراہ کرکٹرز بھی خوشگوار موڈ میں ہیں۔
ویڈیو میں کپتان بابر اعظم، نسیم شاہ، اظہر علی، سرفراز احمد، حارث رؤف اور شان مسعود سمیت دیگر کرکٹرز کو دیکھا گیا۔
ایک مداح کا اس موقع پر کہنا تھا کہ 'قومی ہیروز کو اتنے قریب سے دیکھنا اور انہیں پریکٹس کرتے دیکھنا، اس میں کوئی شک نہیں کہ یہ لوگ کتنی محنت کرتے ہیں'۔
ایک اور خاتون مداح کا کہنا تھا کہ نسیم شاہ اور شاداب خان ان کے پسندیدہ کھلاڑی ہیں۔
واضح رہے کہ پاکستان کے خلاف ٹیسٹ سیریز کھیلنے کے لیے انگلینڈ کی ٹیم اسلام آباد پہنچ گئی ہے، پہلا ٹیسٹ میچ یکم دسمبر سے راولپنڈی میں کھیلا جائے گا۔
پاکستان کا ٹیسٹ اسکواڈ بھی آج آرام اور کل سے پنڈی کرکٹ اسٹیڈیم میں پریکٹس کرے گا۔
انگلینڈ کی کرکٹ ٹیم آج آرام اور کل سے پریکٹس کا آغاز کرے گی۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
