پاک انگلینڈ ٹیسٹ: سکیورٹی کیلئے 3 ہزار اہلکاروں سمیت ماہر نشانہ باز بھی تعینات

راولپنڈی: پاک انگلینڈ کرکٹ سیریز کے پریکٹس سیشن میں سکیورٹی کے سخت انتظامات کیے گئے ہیں۔

ترجمان راولپنڈی پولیس کا کہنا ہے کہ سی پی او سید شہزاد ندیم بخاری سکیورٹی و ٹریفک انتظامات کی خود نگرانی کررہے ہیں۔

ویڈیو: مداحوں کی قومی کرکٹرز کے ساتھ سیلفیاں، آٹوگرافس اور گپ شپ

قومی ہیروز کو اتنے قریب سے دیکھنا اور انہیں پریکٹس کرتے دیکھنا، اس میں کوئی شک نہیں کہ یہ لوگ کتنی محنت کرتے ہیں: نوجوان مداح کی گفتگو

راولپنڈی پولیس کے 3000 افسران واہلکار سکیورٹی اور ٹریفک کے فرائض سرانجام دے رہے ہیں۔

ترجمان کے مطابق روٹ اور اسٹیڈیم کے گردونواح میں چھتوں پر ماہر نشانہ باز تعینات کیے گئے ہیں۔

سی پی او راولپنڈی کا کہنا ہےکہ راولپنڈی میں ٹیمز اور میچز کی سکیورٹی کے لیے فول پروف سکیورٹی انتظامات یقینی بنائے جائیں گے۔