وزیراعظم کا سعودی عرب کے 3 ارب ڈالرز واپسی کی معیاد میں توسیع کا خیر مقدم
02 دسمبر ، 2022
وزیراعظم شہباز شریف نے سعودی عرب کے 3 ارب ڈالرز واپسی کی معیاد میں توسیع کا خیر مقدم کیا ہے۔
اپنے بیان میں وزیراعظم کا کہنا تھاکہ سعودی عرب کی قیادت اور حکومت کا شکریہ ادا کرتے ہیں، شہزادہ محمد بن سلمان کا بالخصوص شکریہ ادا کرتے ہیں۔
انہوں نے کہا کہ شہزادہ محمد بن سلمان کی پاکستان سے محبت کی تہہ دل سے قدر کرتے ہیں، سعودی عرب نے ایک بار پھر بڑے بھائی کا کردار ادا کیا اور پاکستان سے اپنی بے مثال محبت کا ثبوت دیا۔
ان کا کہنا تھاکہ سعودی عرب کے اقدام سے پاکستان کی معاشی صورتحال بہتر بنانے میں مدد ملے گی، پاکستان کی معاشی خود انحصاری اولین قومی ایجنڈا ہے، سیاسی استحکام اور میثاق معیشت وقت کی ضرورت ہے۔
خیال رہے کہ سعودی عرب نے اسٹیٹ بینک کے پاس 3 ارب ڈالر ڈیپازٹ کا دورانیہ بڑھا دیا ہے۔
