دنیا
04 دسمبر ، 2022

ایران میں اخلاقیات پر عمل درآمد کرانے والی فورس کو ختم کر دیا گیا

ایران میں اخلاقیات پولیس گشت ارشاد سابق صدر احمدی نژاد نے قائم کی تھی۔ فوٹو فائل
ایران میں اخلاقیات پولیس 'گشت ارشاد' سابق صدر احمدی نژاد نے قائم کی تھی۔ فوٹو فائل

ایران میں اخلاقیات پر عمل درآمد کرانے والی پولیس فورس کو ختم کر دیا گیا۔

غیر ملکی خبر ایجنسی کے مطابق ایران کے اٹارنی جنرل محمد جعفر منتظری کا کہنا ہے کہ اخلاقیات پولیس کا عدلیہ سےکوئی تعلق نہیں ہے، 'گشت ارشاد' کو ختم کر دیا گیا ہے۔

یاد رہے کہ ایران میں اخلاقیات پولیس 'گشت ارشاد' سابق صدر احمدی نژاد نے قائم کی تھی۔

اٹارنی جنرل محمد جعفر منتظری نے کہا تھا کہ خواتین کو سر ڈھانپنے کے قانون میں ممکنہ تبدیلی پر پارلیمنٹ اور عدلیہ غور کر رہی ہیں۔

ایران میں حجاب کے معاملے پر پولیس کی زیرحراست لڑکی مہسا امینی کے انتقال پر دو ماہ سے مظاہرے جاری ہیں جس میں اب تک سیکڑوں افراد ہلاک اور درجنوں گرفتار ہو چکے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM