جنرل (ر) باجوہ سے متعلق پرویز الہٰی اور مونس الہٰی کے بیانات غلط ہیں: رانا ثنا اللہ

وفاقی وزیرداخلہ رانا ثنا اللہ نے کہا ہے جنرل ریٹائرڈ قمر جاوید باجوہ سے متعلق پرویز الہٰی اور مونس الہٰی کے بیانات غلط ہیں۔

وفاقی وزیر داخلہ نے پروگرام ’آج شاہ زیب خانزدہ کے ساتھ‘ میں گفتگو کرتے ہوئے کہا کہ مونس الہیٰ نے جنرل باجوہ کے سامنے تمہید باندھی ہوگی جس کی انہوں نے تائید کردی ہوگی۔ 

وزیر اعلیٰ پنجاب پرویز الٰہی نے اسمبلی فوری تحلیل کیے جانے کی نفی کردی

الیکشن چار ماہ سے پہلے تو ہو ہی نہیں سکتے، وفاقی اور صوبائی حکومتوں کو کام کیلئے وقت چاہیے، اگلے سال اکتوبر کے بعد بھی الیکشن میں تاخیر ہو سکتی ہے: وزیراعلیٰ پنجاب

انہوں نے کہا کہ 26 نومبر کو بھی کہا تھا کہ عمران خان کوالیکشن کی تاریخ پنڈی سے نہیں ملے گی، پہلےبھی کہا تھا عمران خان کوالیکشن کیلئے سیاستدانوں سے رابطہ کرنا چاہیے۔

رانا ثنا اللہ نے کہا کہ پرویز الٰہی کو اسمبلی توڑنی ہے تو توڑ دیں، ہم پنجاب کا الیکشن لڑنے کیلئے تیار ہیں،پنجاب کا اجلاس بلالیا ہے، عمران خان کو مذاکرات کرنے ہیں توسیدھی بات کریں کہ وہ بات کرنے کو تیارہیں، جتنا سیاسی نقصان ہونا تھا وہ ہوگیا اب نہیں ہوگا۔

اسحاق ڈار نے صدر کو کہا الیکشن کیلئے تیار ہیں، نواز شریف سے مشاورت کے بعد بتائیں گے: فواد

20 دسمبر تک کچھ نہیں ہوا تو 21 دسمبر کو اسمبلیاں توڑ دیں گے، ایکسٹینشن تو زبردستی کی بات ہوتی ہے، ادارے کی جانب سے درخواست آتی ہے جو پورا کا پورا فرمان ہوتی ہے، رہنما پی ٹی آئی

انہوں نے کہا کہ پرویز الہٰی اور مونس غلط کہہ ہے ہیں کہ ان کوباجوہ صاحب نے کہا تھا کہ ادھرچلے جائیں، جب پرویز الہٰی نے ہم سے معاہدہ کرلیا تو ان کو باجوہ صاحب سے بات کرنےکی کیا ضرورت تھی؟ پرویز الہیٰ کو باجوہ صاحب سے بات کرنی تھی توہم سے معاہدہ کرنے سے پہلے کیوں نہیں کی؟ باجوہ صاحب کے ریٹائرہونے کے بعد ان کو ساری باتیں یاد آرہی ہیں؟