08 دسمبر ، 2022
سارش اور بغاوت کے الزام پر برطرف ہونے والے لاطینی امریکی ملک پیرو کے صدر پیڈرو کاستیلو کو گرفتار کر لیا گیا۔
خبر ایجنسی کے مطابق پیرو کے صدر پیڈرو کاستیلو مواخذے کی تحریک کامیاب ہونے کے بعد عہدے سے فارغ ہوگئے تھے اور ان کی جگہ نائب صدر دینا بولوارٹ عہدہ سنبھالتے ہوئے ملک کی پہلی خاتون صدر بن گئیں۔
میڈیا رپورٹس کے مطابق برطرف صدر پیڈرو کاستیلو کو بغاوت اور سازش کے الزام پر گرفتار کر لیا گیا ہے جبکہ شہر لیما میں سابق صدر کے حامیوں کی جانب سے احتجاج بھی کیا گیا۔
خبر ایجنسی کے مطابق صدر دینا بولوارٹ کے وکیل کی جانب سے کہا گیا ہے کہ صدر دینا جولائی 2026 تک حکومت کریں گی۔
واضح رہے پیرو کے صدر پیڈرو کاستیلو مواخذے کی تحریک کامیاب ہونے کے بعد عہدے سے فارغ ہوگئے تھے، اس سے قبل پیڈرو کاستیلو نے بطور صدر کانگریس کو تحلیل کرنےکا اعلان کیا تھا، پیڈرو کاستیلو گزشتہ سال جولائی میں پیرو کے صدر منتخب ہوئے تھے۔