لاعلمی میں گراؤنڈ میں ہی نان چنے کھالیا کرتا تھا: حارث رؤف

پاکستان کے فاسٹ بولر حارث رؤف نے قومی ٹیم کیلئے کھیلنے سے قبل اپنی کرکٹ اور اس دوران خود میں پائی جانے والی لاعلمی پر گفتگو کی ہے۔

سوشل میڈیا پر پاکستان کے فاسٹ بولرز  شاہین شاہ اور حارث رؤف کی ایک تقریب میں شرکت کی گفتگو کی ویڈیو  وائرل ہو رہی ہے جس دوران شاہین اور حارث نے اپنی روٹین اور بطور کھلاڑی ڈائٹ پر بھی بات کی۔

میں اور حارث رؤف ان فٹ نہیں ہوئے نظر لگی ہے: شاہین آفریدی

شاہین آفریدی نے کہا کہ پی سی بی کا میڈیکل بورڈ ان کے ساتھ کام کر رہا ہے

تقریب سے خطاب کرتے ہوئے حارث رؤف کا کہنا تھا کہ اسپورٹس کرکٹ ایک عام کھلاڑی کیلئے بھی ہے جس کو پتا ہونا چاہیے کہ آج اس نے کیا کھانا ہے کیوں کہ وہ صحت پر اثر انداز ہوتی ہے، ہم بھی جب پاکستان ٹیم کے لیے کھیلنے سے قبل کرکٹ کھیلتے تھے تو آگہی نہ ہونے کی وجہ سے گراؤنڈ میں ہی نان چنے کھا لیا کرتے تھے۔

دوسری جانب شاہین شاہ آفریدی کا کہنا تھا کہ ایک کھلاڑی کے لیے ڈائٹ سے متعلق آگہی بہت ضروری ہے۔