10 دسمبر ، 2022 
کھیل
ابرار احمد نے انگلینڈ کے خلاف ملتان ٹیسٹ کی پہلی اننگز میں 7 کھلاڑیوں کو آؤٹ کیا۔ فوٹو فائل
جادوئی بولنگ سے انگلش بیٹنگ لائن کو تباہ کرنیوالے ابرار کا تعلق کس شہر سے ہے؟
10 دسمبر ، 2022
ملتان ٹیسٹ میں انگلینڈ کی بیٹنگ لائن کو اپنی جادوئی بولنگ سے تباہ کرنے والے مسٹری بولر کراچی کے ایک متوسط علاقے سے تعلق رکھتے ہیں۔
ابرار احمد کا تعلق کراچی کے علاقے جہانگیر روڈ کے متوسط گھرانے سے ہے، ابرار نے محنت کی اور فیملی نے سپورٹ کیا، مسٹری اسپنر کی شاندار کارکردگی پر ان کے گھروالے اور دوست احباب خوشی سے نہال ہیں۔
ابرار احمد کے والد کا کہنا تھا کہ بیٹے نے اچھی کارکردگی دکھائی، امید ہے کہ آگے بھی ملک کا نام روشن کرے گا۔
خیال رہے کہ ابرار احمد نے ملتان میں اپنے ڈیبیو ٹیسٹ پہلی اننگز میں انگلینڈ کے 7 کھلاڑیوں کو پویلین کی راہ دکھائی اور انگلش ٹیم کو 281 رنز تک محدود رکھنے میں اہم کردار ادا کیا۔
