12 دسمبر ، 2022 
پاکستان اچھا ملک ہے، دوسری ٹیموں کو بھی یہاں آنا چاہیے: مارک ووڈ
12 دسمبر ، 2022
انگلش ٹیم کے فاسٹ بولر مارک ووڈ نے پاکستان کی مہمان نوازی اور یہاں کے لوگوں کی تعریف کی ہے۔
جیو نیوز سے خصوصی گفتگو کرتے ہوئے مارک ووڈ نے کہا کہ پاکستان کی مہمان نوازی سے بہت خوش ہوا، یہاں کے کراؤڈ نے بھی میچ کے دوران سپورٹ کیا۔
مارک ووڈ نے کہا کہ یہاں کے لوگ ہر وقت آپ کی مدد کے لیے تیار رہتے ہیں ، انگلینڈ سے آئے فینز بھی یہاں خوب انجوائے کررہے ہیں۔
ملتان اسٹیڈیم میں جیو نیوز سے خصوصی گفتگو میں انہوں نے کہا کہ پاکستان اچھا ملک ہے، مجھے یہاں کوئی تکلیف یا مشکل نہیں ہوئی، دوسری ٹیموں کو بھی یہاں آنا چاہیے۔
انہوں نے کہا کہ ملتان کی وکٹ سلو ضرور تھی لیکن ریوس سوئنگ ہورہی تھی، مجھ سمیت انگلینڈ کی ٹیم پاکستان میں میچز اور یہاں کے ماحول سے لطف اندوز ہورہے ہیں۔
خیال رہے کہ پاکستان کو انگلینڈ نے ملتان ٹیسٹ میں بھی شکست دے کر سیریز اپنے نام کرلی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
