عمران خان کی زیرصدارت مشاورتی اجلاس، پہلے مرحلے میں پنجاب اسمبلی توڑنےکافیصلہ

سابق وزیراعظم عمران خان کی زیرصدارت راولپنڈی سے تعلق رکھنے والے ارکان اسمبلی کے مشاورتی اجلاس میں پہلے مرحلے میں پنجاب اسمبلی توڑنے کا فیصلہ کیا گیا ہے۔

اجلاس میں فیصلہ کیا گیا کہ دوسرے مرحلے میں خیبرپختونخوا اسمبلی توڑی جائے گی، پی ٹی آئی کےارکان قومی اسمبلی ایوان میں دوبارہ پیش ہو کر استعفے دیں گے۔

اسمبلیاں تحلیل کرنے پر پارٹی میں اختلافِ رائے ہے: اسد عمر

کچھ لوگ اسمبلیاں فوری تحلیل کرنے کے حق میں ہیں اور کچھ کہتے ہیں کہ ابھی اسمبلیاں تحلیل نہیں کرنی چاہئیں: رہنما پی ٹی آئی

اجلاس میں یہ فیصلہ بھی کیا گیا کہ احتجاجی تحریک کو انتخابی مہم میں تبدیل کردیا جائے گا۔

اجلاس میں چیئرمین پاکستان تحریک انصاف (پی ٹی آئی) عمران خان نے کہا کہ پی ڈی ایم حکومت کی غیر مؤثرپالیسوں نے ملک کو ناقابل تلافی نقصان پہنچایا، معاشی اور سیاسی بحران سے نکلنے کا واحد راستہ جلد شفاف انتخابات ہیں۔