ایران میں زیرحراست لڑکی کی ہلاکت کیخلاف جاری مظاہروں پر دوسری سزائے موت دیدی گئی

ایران میں زیرحراست لڑکی مہسا امینی کی موت کے خلاف مظاہروں میں شریک ایک اور شہری کو سرعام پھانسی دے دی گئی۔

انسانی حقوق کی تنظیموں نے ایران میں مزید مظاہرین کو سزائے موت دیے جانے کا خدشہ ظاہر کیاہے۔

غیر ملکی خبررساں ایجنسی کے مطابق گرفتار ملزم ماجد رضاکو سکیورٹی فورسز کے 2 ارکان کےقتل کے الزام میں گزشتہ روز مشہد میں سرعام پھانسی پر لٹکایا گیا۔

 سزائے موت پانے والے ماجد رضا کو 23 دن قبل ملک سے فرار ہوتے ہوئے گرفتار کیا گیا تھا۔

ایران میں زیرحراست لڑکی کی ہلاکت کیخلاف جاری مظاہروں پر پہلی سزائے موت دیدی گئی

ایرانی سرکاری میڈیا کے مطابق محسن نامی شخص کو پھانسی کی سزا دی گئی، انقلابی عدالت نے اسے ’خدا سے دشمنی‘ کا مرتکب ٹھہرایا تھا

اس سے قبل ایران میں مظاہروں کے الزام میں گرفتار محسن شکاری کو جمعرات کو سزائے موت دی گئی تھی۔ایران میں مظاہروں کے سلسلے میں اب تک 11 افراد کو سزائے موت سنائی جاچکی ہے۔

واضح رہے کہ ایران میں حجاب کے معاملے پر زیر حراست لڑکی مہسا امینی کی موت کے خلاف ستمبر سے مظاہرے جاری ہیں ۔مظاہروں کے آغاز کے بعد اب تک کم از کم 14 ہزار کو گرفتار کیا گیا جبکہ 63 بچوں سمیت کم از کم 458 افراد ہلاک ہو چکے ہیں۔