13 دسمبر ، 2022 
پاکستان
فوٹو: فائل
پنجاب میں سرکاری محکموں کیلئے نئی گاڑیاں خریدنے پر پابندی عائد
13 دسمبر ، 2022
وزیراعلیٰ پنجاب چوہدری پرویزالہٰی نے سرکاری محکموں کے لیے نئی گاڑیاں خریدنے پر پابندی عائد کر دی۔
وزیراعلیٰ پنجاب کی زیر صدارت وزیراعلیٰ آفس میں اجلاس ہوا جس میں کفایت شعاری پالیسی پرعمل درآمدکی ہدایات دیتے ہوئے سرکاری محکموں کے لیے نئی گاڑیاں خریدنے پر پابندی عائد کی گئی۔
وزیراعلیٰ پنجاب نے وزیراعلیٰ آفس سمیت تمام سرکاری محکموں کے غیر ترقیاتی اخراجات میں 50 فیصدکمی کا حکم بھی دیا۔
وزیراعلیٰ کا کہنا تھا کہ سرکاری محکمےکفایت شعاری پالیسی پر عمل درآمد یقینی بنائیں۔
وزیراعلیٰ نے ہدایت کی کہ سرکاری اراضی کو شفاف طریقے سے نیلام کرنےکے لیے جامع پالیسی تیار کی جائے اور سرکاری اراضی کی تفصیلات سات روز میں پیش کی جائیں۔
