17 دسمبر ، 2022 
ایران نے مظاہروں کی حمایت پر آسکر ایوارڈ یافتہ فلم کی اداکارہ کو گرفتارکرلیا
17 دسمبر ، 2022
ایران کی حکومت نے آسکر ایوارڈ یافتہ فلم کی معروف اداکارہ ترانہ علی دوستی کو گرفتار کرلیا۔
ایرانی اداکارہ ترانہ علی نے ملک میں جاری مظاہروں کی حمایت کی تھی اور سوشل میڈیا پر بغیر اسکارف کے تصویر پوسٹ کرکے احتجاج کیا تھا۔
اداکارہ نے 8 دسمبر کو بھی انسٹاگرام پر ایک پوسٹ کی اور اسی دن احتجاج میں شریک نوجوان کو پھانسی دی گئی تھی تاہم اب ان کا انسٹاگرام اکاؤنٹ بھی ڈیلیٹ کردیا گیا ہے۔
رپورٹس کے مطابق ایرانی حکومت نے معروف اداکارہ کو غلط معلومات اور افراتفری کو ہوا دینے کے الزام میں گرفتار کیا ہے۔
خیال رہے کہ اداکارہ ترانہ علی دوستی کی فلم ’دی سیلز مین‘ کو 2017 میں آسکر ایوارڈ ملا تھا اور اس کے باعث انہیں بھی خوب شہرت حاصل ہوئی تھی۔
واضح رہے کہ ایران میں حجاب کے معاملے پر زیر حراست لڑکی مہسا امینی کی موت کے خلاف ستمبر سے مظاہرے جاری ہیں۔ مظاہروں کے آغاز کے بعد اب تک کم از کم 14 ہزار کو گرفتار کیا گیا جب کہ 63 بچوں سمیت کم از کم 458 افراد ہلاک ہو چکے ہیں۔
ایرانی حکومت کی جانب سے مظاہروں میں شریک افراد کو سزائے موت دینے کا سلسلہ بھی جاری ہے اور حال ہی میں دو نوجوانوں کو سزائے موت دی گئی ہے۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
جنوبی کوریا میں اپوزیشن کا قائم مقام صدر کے مواخذےکا بھی اعلان
24 دسمبر ، 2024
