21 دسمبر ، 2022 
فیروز کو بچوں کے اخراجات کے لیے ماہانہ 80 ہزار دینے کا حکم
21 دسمبر ، 2022
کراچی کی فیملی کورٹ شرقی نے اداکار فیروز خان کو بیٹے سلطان کیلئے 50 اور بیٹی فاطمہ کیلئے 30 ہزار ماہانہ دینے کا حکم جاری کردیا۔
فیملی کورٹ شرقی نے فیروز خان کے بچوں کی حوالگی اور عبوری اخراجات کی درخواست پر فیصلہ سنا دیا۔
فیصلے میں عدالت نے فیروز خان کو حکم دیا کہ فیروز بیٹے سلطان کیلئے 50 اور بیٹی فاطمہ کیلئے 30 ہزار ماہانہ دیں گے جب کہ ہر ماہ کی 14 تاریخ سے پہلے بچوں کے اخراجات ادا کردیے جائیں۔
عدالت نے فیروز خان کے بیٹے سلطان کی کسٹڈی 5 روز کیلئے باپ کے حوالے کرنے کا بھی حکم دیا اور کہا کہ بیٹا سلطان 22 دسمبر سے 27 دسمبر تک والد فیروز خان کے ساتھ ہوگا، بطور والد فیروز خان کا حق ہے وہ بچوں کے ساتھ وقت گزاریں تاہم فیروز خان کی بیٹی کی عمر 7 ماہ ہے وہ ماں کے بغیر نہیں رہ سکتی ہے۔
دوران سماعت بچوں کی والدہ علیزے سلطان نے زبانی بتایا کہ ان کا بیٹا سلطان پہلے بھی اپنے والد کے ساتھ رات میں رہ چکا ہے۔
اس پر عدالت کا کہنا تھا کہ جب تک سلطان فیروز خان کے پاس رہے گا فیروز خان اپنا پاسپورٹ اور شناختی کارڈ عدالتی ناظر کے پاس جمع رہے گا۔
بعد ازاں عدالت نے فیروز خان کو ایک لاکھ روپے زر ضمانت جمع کرانے کا حکم دیا۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
