سب سے زیادہ ذہانت رکھنے والے افراد کس برج سے تعلق رکھتے ہیں؟

دنیا کا ہر فرد ہی کسی نہ کسی برج سے تعلق رکھتا ہے اور ہر ایک کی اپنی مخصوص خصوصیات ہوتی ہیں۔

بروج کی ان خصوصیات کی بنیاد پر ہی آسٹرولوجسٹ کسی فرد کی شخصیت کے مختلف پہلوؤں جیسے صحت یا کامیابی وغیرہ کی پیشگوئی کرتے ہیں۔

2023 آپ کیلئے کیسا رہے گا؟

آئیے جائزہ لیتے ہیں کہ اجرامِ فلکی کے ماہرین کے مطابق 2023 کون سے ستارے کے لیے کیا نیا لائے گا اور کس کے لیے یہ کیسا ثابت ہونے والا ہے۔

مگر جب بات ذہانت کی ہو تو کونسے برج سے تعلق رکھنے والے زیادہ ذہین ہوتے ہیں؟

ماہرین کے مطابق دلو اور عقرب سب سے زیادہ ذہانت والے بروج ہیں مگر دونوں کی وجہ مختلف ہے۔

برج دلو (21 جنوری سے 20 فروری کے دوران پیدا ہونے والے) سے تعلق رکھنے والے افراد میں تجزیاتی ذہانت کی سطح زیادہ ہوتی ہے جسے ذہنی صلاحیت اور آئی کیو کا حصہ سمجھا جاتا ہے۔

اس کے مقابلے میں برج عقرب سے تعلق رکھنے شعوری طور پر زیادہ ذہین ہوتے ہیں اور وہ حقیقت پسندانہ تخمینے لگانے اور دنیا کو سمجھنے کے حوالے سے زیادہ بہتر ہوتے ہیں۔

2023 کن’3 ستاروں‘ کے لیے خوش قسمت سال ثابت ہوگا؟

 ماہرین نے نئے سال کے لیے 12 ستاروں میں سے 3 ستاروں کو منتخب کیا ہے، آئیے جانتے ہیں کہ ان ستاروں کے حوالے سے ماہرین کیا بتاتے ہیں۔

ویسے دیگر بروج کے افراد بھی اپنے انداز میں ذہین ہوتے ہیں۔

ماہرین کے مطابق برج جوز اور میزان سے تعلق رکھنے والے افراد بھی کافی ذہین ہوتے ہیں جبکہ سرطان اور حوت سے تعلق رکھنے والے افراد جذباتی طور پر سب سے زیادہ ذہین ہوتے ہیں۔

آسان الفاظ میں ان بروج سے تعلق رکھنے والے اپنے اور دیگر افراد کے جذبات کو شناخت کرنے اور ان کی وضاحت کرنے میں مہارت رکھتے ہیں۔

برج جدی، سنبلہ اور ثور سے تعلق رکھنے والے عملی ذہانت کا مظاہرہ کرتے ہیں جبکہ اسد، قوس اور حمل سے تعلق رکھنے والے افراد خطرہ مول لینے اور قائدانہ پوزیشن سنبھالنے کے لیے ہر وقت تیار رہتے ہیں۔