29 دسمبر ، 2022 
فردوس جمال کے بیٹے نے والد کی ویڈیو شیئر کرتے ہوئے عوام سے کیا درخواست کی؟
29 دسمبر ، 2022
معروف پاکستانی سینئر اداکار فردوس جمال کے بیٹے نے والد کی ویڈیو شیئر کرتے ہوئے صارفین سے ان کی صحت سے متعلق جھوٹی خبریں نہ پھیلانے کی درخواست کی ہے۔
فردوس جمال کو کینسر کی تشخیص کے بعد علاج کے لیے اسپتال میں داخل کیا گیا تھا جب کہ اب وہ سرجری کرواکر گھر منتقل ہوچکے ہیں اور اب اداکار کے بیٹے بازل فردوس نے سوشل میڈیا، فیس بُک پر اپنے والد کی صحت سے متعلق پوسٹس شیئر کی ہیں۔
بازل نے اپنی پوسٹ میں لکھا کہ الحمداللّٰہ میرے والد ٹھیک ہیں اور سرجری کے بعد صحتیاب ہو رہے ہیں، برائے مہربانی والد کی صحت کے حوالے سے جعلی خبریں شیئر کرنے سے گریز کریں اور میرے والد اور ہمیں اپنی دعاؤں میں یاد رکھیں۔
ایک اور پوسٹ میں اپنے والد کے ہمراہ ویڈیو شیئر کرتے ہوئے بازل فردوس نے لکھا ہے کہ الحمداللّٰہ میرے والد خیریت سے ہیں اور اُن کے حوصلے بلند ہیں، برائے مہربانی جھوٹی خبریں نہ پھیلائیں، اُن کی صحت کے لیے دعا کیا کریں۔
خیال رہے کہ گزشتہ روز وزیر اعظم کے مشیر امیر مقام نے لاہور میں لیجنڈ اداکار فردوس جمال کی عیادت کی اور انہیں علاج معالجے کے لیے ایک کروڑ روپےکا چیک پیش کیا۔
مزید خبریں :
سلمان خان کو قتل کی دھمکیاں دینے والا نوجوان گرفتار
29 اکتوبر ، 2024
