31 دسمبر ، 2022 
ڈرائیور کو دل کا دورہ پڑنے سے بس گاڑی میں جا گھسی، 9 افراد ہلاک
31 دسمبر ، 2022
بھارت میں بس ڈرائیور کو دوران ڈرائیونگ دل کا دورہ پڑا جس کے باعث بس گاڑی میں جا گھسی اور حادثے میں 9 افراد ہلاک ہوگئے۔
بھارتی میڈیا کے مطابق یہ واقعہ بھارتی ریاست گجرات کے ضلع نوساری میں پیش آیا جہاں بس ڈرائیور کو دوران ڈرائیونگ دل کا دورہ پڑا۔
میڈیا رپورٹس کے مطابق مسافروں سے بھری بس مذہبی تقریب میں شرکت کرنے والے افراد کو واپس ان کی منزل کی جانب لے جا رہی تھی کہ اسی دوران بس ڈرائیور کو نوساری ہائی وے پر دل کا دورہ پڑا جس کے باعث بس بے قابو ہو کر گاڑی سے ٹکرا گئی۔
میڈیا رپورٹس کے مطابق واقعے کی اطلاع ملتے ہی انتظامیہ کی جانب سے زخمیوں کو اسپتال منتقل کیا گیا، حادثے میں 9 افراد ہلاک اور 28 افراد کے زخمی ہونے کی تصدیق کی گئی جبکہ دل کا دورہ پڑنے سے بس کا ڈرائیور بھی ہلاک ہو گیا۔
