2022 میں سرمایہ کاری کیلئے سونا سب سے منافع بخش ثابت ہوا

2022 میں پراپرٹی، اسٹاک ایکسچینج، ڈالر اور دیگر شعبوں میں سرمایا کاری پر منافع پیچھے جب کہ سونا 41 فیصد ریٹرن کے ساتھ سب سے آگے رہا۔

یہ سوال کہ پیسے سے پیسا کیسے بڑھایا جائے ہر بچت کرنے والے کے ذہن میں رہتا ہے، اس مرتبہ سونے نے سارے شعبوں کو چاروں خانے چت کرکے سب سے زائد منافع کمانےکا اعزاز اپنے نام کرلیا۔

نئے سال کے پہلےکاروباری روز ملک میں سونےکی قیمت میں بڑا اضافہ

آل پاکستان جیمز اینڈ جیولرز ایسوسی ایشن کے مطابق عالمی صرافہ میں سونے کا بھاؤ 1824 ڈالرز فی اونس پر برقرار ہے

2022 کے دوران ایک لاکھ سرمایا کاری پر سونے نے 41ہزار روپے منافع کما کردیا ہے، سال کے دوران سونےکی عالمی قیمت ایک فیصد بھی نہ بڑھی جب کہ ڈالر کی قدر 28 فیصد بڑھی پھر بھی سونے کا منافع 41 فیصد رہا۔

ماہرین خبردار کررہے ہیں کہ پاکستان میں سونا عالمی قیمت سے زائد ہے جو کہ سٹے بازی کا نتیجہ ہے، لہٰذا سرمایا کاری کا فیصلہ محتاط طریقے سےکیا جائے۔

ماہرین کا یہ بھی کہنا ہےکہ سونا خریدتے وقت کوالٹی کے بارے میں بھی بہت چوکنا رہنےکی ضرورت ہے۔