04 جنوری ، 2023 
سارہ نے میرے گانے میں میرے ساتھ ڈانس پر انکار کردیا: فلک شبیر
04 جنوری ، 2023
گلوکار فلک شبیر نے انکشاف کیا ہے کہ ان کی اہلیہ سارہ خان نے حال ہی میں ان کی درخواست کے باوجود ان کے ساتھ گانے میں ڈانس کرنے سے انکار کردیا۔
حال ہی میں اداکارہ سارہ خان شوہر گلوکار فلک شبیر کے ہمراہ ’دی مرزا ملک شو ‘کی مہمان بنیں جس دوران سارہ نے ثانیہ مرزا کے سوالات کے جواب میں بتایا کہ وہ بہت شرمیلی ہیں ۔
اداکارہ نے کہا کہ انہیں ڈانس کرنا نہیں پسند، انہیں اگر بند کمرے میں بھی کہا جائے کہ ڈانس کرو تو وہ نہیں کرسکتیں۔
سارہ کے جواب پر ان کے شوہر فلک شبیر نے کہا کہ حال ہی میں، میں نے بلو رانی کے نام سے ایک گانا شوٹ کیا ہے یہ گانا پنجاب میں شوٹ ہوا جس کیلئے میری خواہش تھی کہ سارہ میرے ساتھ بطور ماڈل کام کرے لیکن اس گانے میں سگنیچر شاٹ تھے اور پہلی دفعہ ایسا ہوا تھا کہ میں نے سارہ سے درخواست بھی کی کہ یہ گانا ہٹ ہوگا کرلو لیکن سارہ نے انکار کردیا اور کام نہیں کیا۔
اس پر سارہ نے ہنستے ہوئے شو میں بتایا کہ اس گانے میں ’ٹھمکے‘ لگانے تھے ۔
مزید خبریں :
کیا حمزہ علی عباسی اب پی ٹی آئی کے ساتھ نہیں؟
5 گھنٹے پہلے
بحرین میں رخسار ناظم آبادی کی یاد میں عالمی مشاعرہ
19 مئی ، 2025
