میرے صبر کا پیمانہ لبریز ہوگیا: مہوش حیات خود پر لگائے گئے الزامات پر پھٹ پڑیں

کراچی :  میجر ریٹائرڈ عادل فاروق راجا کی جانب سے لگائے گئے الزامات پر معروف اداکارہ مہوش حیات کا کہنا ہے کہ اب ان کے صبر کا پیمانہ لبریز ہوگیا ہے۔

گزشتہ روز  اداکارہ مہوش حیات اور وکیل خواجہ نوید  نے عدالت کے باہر میڈیا سے گفتگو کی جس دوران اداکارہ نے کہا کہ جوباتیں پھیلائی جارہی ہیں اس سے میں اور میر اخاندان ذہنی اذیت سےگزر رہے ہیں۔

مہوش حیات کیخلاف سوشل میڈیا پر موجود مواد ہٹانے کا حکم

اداکارہ مہوش حیات نے میجر ریٹائرڈ عادل راجا کے خلاف سندھ ہائیکورٹ میں درخواست دائرکی

مہوش حیات نے کہا کہ  دنیا بھر میں آرٹسٹوں کی قدرکی جاتی ہے لیکن بیمارذہنیت کے لوگوں کا مشغلہ آرٹسٹوں کی بےعزتی کرنا ہے، سوشل میڈیا پربیمار ذہنیت کے لوگ موجود ہیں، عام لوگ بھی غلط افواہوں پر بنا سوچے سمجھے  یقین کر لیتے ہیں، مجھے عدلیہ سے انصاف کی امید ہے۔

’ چپ بیٹھوں گی؟ تو آپ کی سوچ ہے‘، عادل راجا کے نازیبا الزامات پر اداکاراؤں کا شدید ردعمل

عادل راجا نے اپنے وی لاگ میں اداکاراؤں کا نام لینے کے بجائے ان کے ناموں کے ابتدائی حروف بتائے تھے ۔

اداکارہ کا کہنا تھا کہ خواتین کی عزت کرنا سب کی ذمہ داری ہے،کسی کے خلاف منفی مہم چلانا جرم ہے، سوشل میڈیا پر ان چیزوں کو آگے  پھیلانےوالے بھی اس جرم کےمرتکب ہیں یہ غیر اخلاقی حرکت ہے اس پر سخت ایکشن لینا چاہیے۔

یاد رہے کہ اداکارہ مہوش حیات نے میجر ریٹائرڈ عادل راجا کے خلاف سندھ ہائیکورٹ میں درخواست دائرکی جس پر سماعت کرتے ہوئے سندھ ہائیکورٹ نے مہوش حیات کے خلاف سوشل میڈیا پر موجود مواد ہٹانے کا حکم دے دیاہے۔