15 جنوری ، 2023 
دن بھر میں ایک وقت کا کھانا چھوڑنے سے جسم پر کیا اثرات مرتب ہوتے ہیں؟
15 جنوری ، 2023
اگر آپ دن بھر میں کسی وقت کا کھانا چھوڑ دیتے ہیں تو اس عادت کے نتائج تباہ کن ثابت ہوسکتے ہیں۔
یہ بات امریکا میں ہونے والی ایک طبی تحقیق میں سامنے آئی۔
Tennessee یونیورسٹی کی اس تحقیق میں 40 سال سے زائد عمر کے 24 ہزار افراد کو شامل کیا گیا تھا۔
تحقیق میں دریافت کیا گیا کہ دن میں کسی بھی وقت کا کھانے چھوڑنے کی عادت کے نتیجے میں موت کا خطرہ بڑھتا ہے۔
تحقیق کے مطابق صبح ناشتہ نہ کرنے سے دل کی شریانوں سے جڑے امراض سے موت کا خطرہ بڑھتا ہے جبکہ دوپہر یا رات کا کھانا چھوڑ نے سے کسی بھی وجہ سے موت کا خطرہ بڑھ جاتا ہے۔
محققین نے بتایا کہ نتائج سے انکشاف ہوتا ہے کہ دن میں کم از کم 3 بار خوراک کو جزوبدن بنانا ضروری ہے۔
تحقیق میں غذائی اور طرز زندگی کے عناصر کو مدنظر رکھا گیا تھا جس سے دریافت ہوا کہ دن میں ایک وقت کے کھانے سے دوری بھی موت کا خطرہ بڑھاتی ہے۔
محققین نے بتایا کہ تحقیق میں لوگوں کے ڈیٹا کی جانچ پڑتال کی گئی تھی اور براہ راست یہ جائزہ نہیں لیا گیا تھا کہ کسی وقت کا کھانا چھوڑنے سے جسم پر کیا اثرات مرتب ہوتے ہیں، تو اس حوالے سے مزید تحقیق کی ضرورت ہے۔
انہوں نے مزید کہا کہ نتائج سے ایسے شواہد سامنے آئے ہیں جن سے غذائی عادات اور اموات کے درمیان تعلق کا عندیہ ملتا ہے۔
اس تحقیق کے نتائج جرنل آف دی اکیڈمی آف نیوٹریشن اینڈ ڈائیبیٹکس میں شائع ہوئے۔
مزید خبریں :
کیا زیادہ پانی پینے سے صحت کو فائدہ ہوتا ہے؟
7 گھنٹے پہلے
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
