قوم مہنگائی میں مر رہی ہے اور قمرجاوید باجوہ دبئی میں شاپنگ کر رہے ہیں:کیپٹن (ر) صفدر

مسلم لیگ ن کے رہنما اور سینیئر نائب صدر مسلم لیگ ن اور پارٹی چیف آرگنائزر مریم نواز کے شوہر کیپٹن (ر) صفدر نےکہا ہےکہ قوم مہنگائی میں مر رہی ہے اور سابق آرمی چیف قمر جاوید باجوہ دبئی میں مہنگی شاپنگ کے مزے لوٹ رہے ہیں۔

لاہورکی مقامی عدالت میں اشتعال انگیز تقاریرکےکیس میں پیشی کے موقع پر میڈیا سے گفتگو کرتے ہوئے مسلم لیگ ن کے رہنما کیپٹن (ر) صفدر نے کہا کہ میں آئین کی جنگ لڑ رہا ہوں، آئین نے مجھےحقوق دیے ہیں، مجھ پر مقدمے کے  پیچھے با اثر ہاتھ تھے۔

جنرل ریٹائرڈ قمر جاوید باجوہ کی دبئی میں سڑک کراس کرنے کی ویڈیو وائرل

ٹریک سوٹ اور جاگرز پہنے قمر جاوید باجوہ مطمئن اور پرسکون دکھائی دے رہے ہیں

کیپٹن (ر) صفدرکا کہنا تھا کہ قوم مہنگائی میں مر رہی ہے اور سابق آرمی چیف قمر جاوید باجوہ دبئی میں مہنگی شاپنگ کے مزے لوٹ رہے ہیں۔

انہوں نے دعویٰ کیا کہ گذشتہ رات ہی قمر جاوید باجوہ  نے وائٹ گولڈ خریدا ہے۔ 

ان کا مزیدکہنا تھا کہ ثاقب نثار اور قمر جاوید باجوہ نے ملک تباہ کیا۔