21 جنوری ، 2023 
لاہور: نجی اسکول کی طالبہ پر تشدد کرنے والی طالبات کی ضمانت منظور
21 جنوری ، 2023
لاہور کے علاقے ڈیفنس میں نجی اسکول کی طالبہ پر تشدد کرنے والی 3 طالبات کی ضمانت قبل از گرفتاری کی درخواست منظور کر لی گئی ہے۔
نجی اسکول کی طالبہ پر کیس میں ایڈیشنل سیشن جج نے ضمانت قبل از گرفتاری کی درخواستوں پر سماعت کی۔
سماعت کے دوران عدالت نے ڈیفنس اے پولیس کو 3 طالبات کی 50، 50 ہزار کے مچلکوں کے عوض عبوری ضمانتیں منظور کرتے ہوئے طالبات کو 30 جنوری تک گرفتار کرنے سے روک دیا۔
خیال رہے کہ ڈیفنس کے نجی اسکول میں نشےسےمنع کرنے پرطالبہ کو ساتھی لڑکیوں نے تشدد کا نشانہ بنایا تھا جس کی ویڈیو سوشل میڈیا پر منظرِ عام پر آئی تھی۔
پولیس نے متاثرہ بچی کے والد کی مدعیت میں مقدمہ درج کیا تھا۔
تھانہ ڈیفنس میں درج ایف آئی آر میں مدعی عمران نے موقف اپنایا ہے کہ اس کی بیٹی کو کلاس فیلو جنت، اس کی بہن کائنات، عمائمہ اور نور رحمان نے تشدد کا نشانہ بنایا۔
