23 جنوری ، 2023 
پاکستان
9گھنٹے گزرنے کے بعد بھی ملک بھر میں بجلی بحال نہیں ہوسکی اور طویل بریک ڈاؤن کے باعث عوام کو شدید مشکلات کا سامنا ہے— فوٹو
وزیراعظم کا ملک میں بجلی کے تعطل پر برہمی کا اظہار، اعلیٰ سطح کی تحقیقات کا حکم
23 جنوری ، 2023
وزیراعظم شہبازشریف نے ملک میں بجلی کے تعطل کا نوٹس لے لیا۔
وزیراعظم نے وفاقی وزیر توانائی خرم دستگیر سے رپورٹ طلب کرتے ہوئے تحقیقات کا حکم دے دیا۔
انہوں نے تحقیقات کیلئے اعلیٰ سطح کی کمیٹی بھی تشکیل دے دی۔
شہباز شریف نے بریک ڈاؤن پر برہمی کا اظہار کرتے ہوئے ہدایت کی کہ ملک میں بجلی کا اتنا بڑا بحران کس وجہ سے پیدا ہوا، آگاہ کیا جائے اور ذمہ داران کا تعین کیا جائے۔
انہوں نے ملک میں بجلی کی فوری بحالی کا حکم دیا اور کہا کہ عوام کی مشکلات برداشت نہیں۔
خیال رہے کہ 9گھنٹے گزرنے کے بعد بھی ملک بھر میں بجلی بحال نہیں ہوسکی اور طویل بریک ڈاؤن کے باعث عوام کو شدید مشکلات کا سامنا ہے۔