24 جنوری ، 2023 
آپ اسٹرابیری کے اوپر موجود 'بیجوں' کی حقیقت جان کر دنگ رہ جائیں گے
24 جنوری ، 2023
اسٹرابیری پھل دیکھنے میں بہت خوبصورت ہوتا ہے اور ذائقے کے لحاظ سے بھی بہترین ہے۔
مگر کیا آپ نے کبھی سوچا کے اسٹرابیری کے اوپر عجیب سے نشان کیوں ہوتے ہیں؟
درحقیقت ایسا محسوس ہوتا ہے کہ'بیج' پھل کے اندر ہونے کی بجائے اوپر موجود ہیں۔
تو اس کا جواب آپ کو دنگ کردے گا بلکہ محسوس ہوگا کہ آپ تو اسٹرابیری پھل کے بارے میں کچھ بھی نہیں جانتے۔
جی ہاں اسٹرابیری کے اوپر جو بیج نظر آتے ہیں وہ حقیقت میں بیج نہیں اور جو سرخ رنگ کا پھل ہم کھاتے ہیں وہ تکنیکی طور پر پھل ہی نہیں۔
اسٹرابیری کے اوپر جو بیج جیسی چیز نظر آتی ہے اسے ایچین کہا جاتا ہے۔
یہ جان کر آپ دنگ رہ جائیں گے کہ ایچین درحقیقت اسٹرابیری پودے کا پھل ہوتا ہے اور ہر ایچین کے اندر ایک بیج ہوتا ہے۔
جہاں تک سرخ خوبصورت گودے کی بات ہے جسے ہم اسٹرابیری پھل تصور کرتے ہیں وہ حقیقت میں ایسا ٹشو ہے جو پھول کو پودے سے جوڑنے کا کام کرتا ہے۔
جب اسٹرابیری کے ایک پھول کی تخم کاری ہوتی ہے تو یہ ٹشو نشوونما پاکر بدل جاتا ہے۔
تو اسٹرابیری کی سطح پر جو متعدد بیج نظر آتے ہیں وہ درحقیقت پھل ہوتے ہیں، مگر یہ معلوم نہیں کہ آخر وہ چھوٹے اور خشک پھل اس سرخ میٹھے حصے کے باہر کیوں ہوتے ہیں۔
بس یہ معلوم ہے کہ دیگر پھلوں کے برعکس اسٹرابیری کے پھول میں پھل نہیں پھولتا بلکہ اس کا ٹشو پھول جاتا ہے جبکہ حقیقی پھل چھوٹی خشک شکل میں نظر آتا ہے۔
دلچسپ بات یہ ہے کہ اسٹرابیری کے بیشتر پودوں کو اگنے کے لیے بیجوں کی ضرورت نہیں ہوتی بلکہ وہ اپنی نقول بناکر پھیلتے رہتے ہیں۔
مزید خبریں :
نومبر کن 2 ستاروں کیلئے خوش قسمت رہے گا؟ پیشگوئی سامنے آگئی
04 نومبر ، 2024
سعودی عرب میں 4 ہزار سال قدیم قصبے کی دریافت
03 نومبر ، 2024
ہمیشہ جوان رہنے کی کوشش کرنیوالے ارب پتی کی غذا کیا ہے؟
03 نومبر ، 2024
ایک پاؤ آلو چوری ہونے پر شہری نے رات 4 بجے پولیس بلالی
03 نومبر ، 2024
ایک ٹن سے زیادہ وزنی دنیا کا سب سے بڑا مگرمچھ مرگیا
03 نومبر ، 2024
معذور ماں کو کمر پر لاد کر چین بھر میں گھمانے والا شخص
01 نومبر ، 2024
