پی ایس ایل کی تیاری، بابر اعظم نے ٹریننگ کا آغاز کر دیا
24 جنوری ، 2023
نیوزی لینڈ سیریز کے بعد کپتان پاکستان کرکٹ ٹیم بابر اعظم ایکشن میں واپس لوٹ آئے۔
بابر اعظم نے لاہور میں نیشنل ہائی پرفارمنس سینٹر (این ایچ پی سی) میں ٹریننگ کا آغاز کر دیا، انہوں نے تین گھنٹے کے ٹریننگ سیشن میں بیٹنگ پریکٹس کی۔
ذرائع کے مطابق بابر اعظم نے این ایچ پی سی کے کوچز اور انفرادی ٹرینر کے ہمراہ پریکٹس کی۔
بابر اعظم نے نیوزی لینڈ سیریز کے بعد چند روز کی بریک لی تھی، تاہم اب پی ایس ایل کے لیے خود کو تازہ دم کرنے کے لیے انہوں نے بھرپور ٹریننگ کا آغاز کردیا ہے۔
واضح رہے کہ بابر اعظم پی ایس ایل کی فرنچائز پشاور زلمی کے کپتان ہیں،پاکستان سپر لیگ کا آٹھواں ایڈیشن 13 فروری سے شروع ہوگا۔
