عمران خان کی گرفتاری کی صورت میں جو کارکن گھر بیٹھا رہا اسے فارغ کر دیں گے، علی زیدی

پاکستان تحریک انصاف ( پی ٹی آئی)  سندھ کے صدر علی زیدی نے اپنے پارٹی کارکنوں کو تڑی لگاتے ہوئے کہا کہ عمران خان کی گرفتاری کی صورت میں جو کارکن اور عہدے دار گھر بیٹھا رہا اسے فارغ کر دیں گے۔

 علی زیدی نے حیدرآباد میں کارکنوں سے خطاب کرتے ہوئے کہا کہ عمران خان ہماری ریڈ لائن ہے، اگر کوئی زمان پارک کی طرف گیا تو کراچی میں بلاول ہاؤس ہم سے دور نہیں۔

انہوں نے کہا کہ عمران خان کی گرفتاری کی صورت میں جو کارکن اور عہدے دار گھر بیٹھا رہا تو وہ پی ٹی آئی کا حصہ نہیں ہوگا،  لاہور اور اس کے ملحقہ علاقے کے کارکنوں کو تاکید کر دی گئی ہے کہ وہ زمان پارک پہنچیں۔

علی زیدی نے سوال کیا کہ کیا فواد چوہدری کلبھوشن سنگھ ہے جو اس کے منہ پر کپڑا ڈال کر اسے عدالت لے گئے؟

دوسری جانب رہنما تحریک انصاف شاہ محمود قریشی نے بھی پارٹی رہنماؤں اور کارکنوں کو زمان پارک لاہور پہنچنے کی ہدایت دے دی ہے۔

گزشتہ شب سابق وزیراعظم عمران خان کی گرفتاری کی افواہ پھیلی لیکن صبح فواد چوہدری کو گرفتار کیا گیا۔ 

عمران خان کی گرفتاری کی افواہ رات کو پھیلی صبح فواد چوہدری گرفتار ہوگئے

فواد چوہدری گرفتاری کے بعد کینٹ کچہری پہنچے تو کارکن نہ پہنچ سکے اور زمان پارک میں ناشتہ کرتے رہے

شاہ محمود قریشی کی پارٹی رہنماؤں اور کارکنوں کو فی الفور زمان پارک پہنچنے کی ہدایت

ان بزدلوں کو چیئرمین عمران خان تک پہنچنے کیلئے ہم سب سے گزر کر جانا ہوگا: شاہ محمود قریشی کی ٹوئٹ